Shyǵys Qazaqstanda qar kóshkini túsirildi

ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir aýmaǵynda qardyń kóp jaýýyna baılanysty kóshkin júrý qaýpi saqtalady.

«Qazseldenqorǵaý» ShQ fılıalynyń mamandary qutqarýshylarymen birlesip, «Altaı-Óskemen» tasjolynyń ýchaskesinde jasandy jolmen qar kóshkinin túsirdi.

«3 ret jarylys jasalyp, sonyń nátıjesinde 3860 tekshe metr qar túsirilgen. Mundaı sharalar osy aımaqta júrgizýshilerdiń qaýipsizdigin qamtamasyz etý úshin qajet», - deıdi «Qazseldenqorǵaý» ShQ fılıalynyń basshysy Omar Dúzgimbaev.

Aıta keteıik, qys basynan beri oblysta profılaktıkalyq maqsatta barlyǵy 33 300 tekshe metr qar túsirilgen.

Foto: ShQO TJD baspasóz qyzmeti