Shyǵys Qazaqstanda qar kóshkini qaýpine oraı eki jol jabyldy

ÓSKEMEN. QazAqparat – Shyǵys Qazaqstan oblysynda eki jol jabyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qar kóshkini júrý qaýpine baılanysty óńirde eki birdeı jol jabyldy.

Oblystyq mańyzy bar «Tarǵyn-Samar» tasjolynyń 88-145 shaqyrymynda, «Óskemen-Altaı-Katonqaraǵaı-Rahman qaınarlary» tasjolynyń 6-66 shaqyrymynda avtokóliktiń barlyq túri úshin qozǵalysqa tyıym salyndy», - dep habarlady vedomstvo ókilderi.

Osy rette qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.