Shyǵys Qazaqstanda qar kóshkini qaýpine baılanysty jabylǵan jol ashyldy

ÓSKEMEN. QazAqparat – Shyǵys Qazaqstan oblysynda qar kóshkini júrý qaýpine baılanysty jabylǵan jol qaıta ashyldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, óńirde keshe qar kóshkini túsýi yqtımaldyǵyna baılanysty jabylǵan jol búgin qaıta ashyldy.

«Respýblıkalyq mańyzy bar «Óskemen-Altaı-Úlken Naryn-Katonqaraǵaı-Rahman qaınarlary» tasjolynyń 6-166 shaqyrymynda (Ýshanov aýyly men Altaı qalasynyń aralyǵy) kóliktiń barlyq túri úshin qozǵalysqa ruqsat berildi. Oblys jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beremiz», - delingen aqparatta.

Eske salsaq, osyǵan deıin Shyǵys Qazaqstan oblysynda qys bastalǵaly beri 89 qar kóshkini túsirilgeni habarlanǵan.