Shyǵys Qazaqstanda «KamAZ-ben» soqtyǵysqan kólik júrgizýshisi kóz jumdy
ASTANA. QazAqparat - Jarma aýdanynyń Qapaı batyr aýylynyń mańynda «KamAz» júk kóligi men «Toıota Karına» avtokóligi soqtyǵysyp, saldarynan bir adam mert boldy, dep habarlaıdy «QazAqparat» HAA tilshisi.
ShQO ІІD baspasóz qyzmetiniń bastyǵy Baqytjan Torǵaevtyń habarlaýynsha, oqys oqıǵa 16 qarasha kúni keshke bolǵan.
«Jol-kólik oqıǵasy Óskemen - Almaty tas jolynyń boıyndaǵy Jarma aýdanynyń Qapaı batyr aýylynyń mańynda tirkelgen. Belgili bolǵandaı, «Toıota Karına» avtokóligin 1964 jylǵy er adam júrgizip kele jatyp, joldyń qarsy baǵytyna shyǵyp ketken. Osynyń saldarynan jeńil avtkólik qarsy bettegi «KamAz» aýyr júk kóligimen soqtyǵysqan. «Toıota Karına» avtokóliginiń júrgizýshisi alǵan jaraqatynan oqıǵa ornynda kóz jumdy. Sonymen birge, jeńil avtokólikte otyrǵan 3 jolaýshy (áıelder) túrli dárejedegi jaraqatymen aýrýhanaǵa jetkizildi. Qazirgi ýaqytta olarǵa tıisti medıtsınalyq kómek kórsetilip jatyr», - dep habarlaıdy Baqytjan Torǵaev.
Polıtsııa oqıǵany tirkep, QR QK 345-baby 3-bóligi boıynsha sotqa deıingi tergeý jumystaryn júrgizip jatyr. Tıisti sot-medıtsınalyq saraptama jumystary taǵaıyndalǵan. Іstiń barlyq mán-jaıy tergeý barysynda anyqtalmaq.
