Shyǵys Qazaqstanda izdeýde júrgen 7 qylmysker ustaldy
ShQO polıtsııa departamenti baspasóz qyzmetiniń málimetine súıensek, polıtseıler qoǵamdyq tártipti saqtaý, qylmystyń jolyn kesý maqsatynda «Quqyqtyq tártip» jedel aldyn alý sharasyn ótkizdi. Sonyń aıasynda úsh kúnniń ishinde 65 qylmys ashylyp, izdeýde júrgen 7 qylmysker ustaldy.
«Polıtseıler eki myńnan astam ákimshilik quqyq buzýshylyqty anyqtady. Onyń ishinde 360-y usaq buzaqylyq, 518-i qoǵamdyq oryndarda ishimdik ishý jáne mas kúıde júrý. 492 adam óńir aýmaǵynda tirkeýsiz jáne jeke basyn kýálandyratyn qujattarsyz turǵany úshin ákimshilik jaýapqa tartylǵan. Budan bólek, zańsyz aınalymnan 8 qarý tárkilendi», - dep habarlady vedomstvo ókilderi.
Mas kúıde kólik tizgindegen 26 júrgizýshi anyqtalǵan. Sondaı-aq kólik quralyn basqarý quqyǵynan aıyrylsa da ishimdik iship rýlge otyrǵan 5 adam ustaldy.