Shyǵys Qazaqstanda izdeýde júrgen 11 qylmysker ustaldy
ÓSKEMEN. QazAqparat – Shyǵys Qazaqstan oblysynda polıtseıler izdeýde júrgen 11 qylmyskerdi ustady, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshylary 19 qańtardan bastap «Quqyqtyq tártip» jedel-aldyn alý sharasyn júrgizýde.
Sol ýaqyttan beri 807 qylmys tirkelip, onyń 537-i ashyldy. Іzdeýde júrgen 11 qylmysker ustaldy.
Sondaı-aq buryn jasalǵan 185 is ashylǵan. Zańsyz saqtalǵan 31 qarý tárkilendi.
«Máselen, Óskemen turǵynynyń garajyn tintý kezinde 2007 jyly shyǵarylǵan «Nogan» revolveri tabyldy. Qysqa uńǵyly jeti ret oqtalatyn qarý atýǵa jaramdy. 69 jastaǵy zeınetkerge qatysty QR QK-niń 287-baby 3-bóligine (atys qarýyn, oq-dárilerdi, jarylǵysh zattardy zańsyz saqtaý) sáıkes sotqa deıingi tergeý amaldary bastaldy», - delingen aqparatta.
Sonymen qatar polıtseıler 11 048 ákimshilik quqyqbuzýshylyqty anyqtaǵan.
Mas kúıde kólik júrgizgen 153 adam jaýapqa tartyldy.
