Shyǵys Qazaqstanda iz-túzsiz joǵalyp ketkender tiziminde 50 adam tur

ÓSKEMEN. QazAqparat – Shyǵys Qazaqstan oblysynda iz-túzsiz joǵalyp ketkender tiziminde 50 adam tur, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, oblys boıynsha iz-tússiz joǵalyp ketkender tiziminde 50 adam tur.

Onyń ishinde Óskemen qalasynda – 20 adam.

«Joǵalǵandardy izdestirý jumystary áli jalǵasyp jatyr. Kún saıyn tártip saqshylaryna jedel derekter berilip otyrady. Joǵalyp ketkender arasynda kámelettik jasqa tolmaǵandar joq», - delingen aqparatta.

Ótken jyly óńir boıynsha iz-túzsiz joǵalǵan 156 azamat izdestirilip, 106-sy tabylǵan.

Onyń ishinde 91 adam aman-esen, al 15-iniń máıiti tabyldy.

Eske salsaq, buǵan deıin ShQO-da 6 aı buryn joǵalyp ketken áıeldiń denesi tabylǵany habarlanǵan.