Shyǵys Qazaqstanda ıis tıip ýlanǵan eki adam aýrýhanaǵa jetkizildi
ShQO tótenshe jaǵdaılar departamenti baspasóz qyzmetiniń málimetine súıensek, oqıǵa 24 sáýirde Ulan aýdanyndaǵy Belaıa gora kentinde bolǵan.
Peshtegi aqaý saldarynan, naqty aıtqanda ýaqytyly tazartylmaǵan murjadan 38 jastaǵy úı ıesi men onyń 42 jastaǵy týǵan aǵasyna ıis tıgen.
Qazirgi ýaqytta ekeýi de aýrýhanaǵa jatqyzyldy.
«TJD qyzmetkerleriniń turaqty eskertýlerine qaramastan osyndaı jaǵdaılar jıi bolyp jatady. Turǵyndar úılerindegi qaýipsizdiktiń tek olardyń jaýapkershiliginde ekenin túsinýi kerek. Úı ıeleriniń árqaısysy óz murjasyn tazalap, qaýipsizdik talaptaryn qatań saqtamaıynsha oqys oqıǵalar azaımaıdy», - delingen aqparatta.
Osy rette, qutqarýshylar peshti 3 aıda keminde 1 ret tazalaý qajettigin, janyp jatqan peshti qaraýsyz qaldyrmaýdy, peshti jaǵý úshin tez tutanatyn jáne janǵysh suıyqtyqtardy qoldanýǵa bolmaıtynyn eskertti.