Shyǵys Qazaqstanda ıis tıgen er adam kóz jumdy
ÓSKEMEN. QazAqparat – Shyǵys Qazaqstan oblysy Glýbokoe aýdanynda ıis tıgen er adam kóz jumdy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, «102» jedel arnasyna Mıra kóshesindegi úılerdiń birinen er adamnyń máıiti tabylǵany týraly habar tústi. Marqumnyń denesin týystary taýyp alǵan.
«Oqıǵa ornyna Glýbokoe aýdandyq polıtsııa bóliminiń qyzmetkerleri kelip jetti. Olar úı ishinde gaz analızatoryn qoldanyp, tekserý júrgizdi. Sonyń nátıjesinde, bólmelerde kómirqyshqyl gazy bar ekendigi belgili boldy», - dep habarlady vedomstvo ókilderi.
Sot-medıtsınalyq saraptama qorytyndysyna sáıkes, er adamnyń ıis tıip qaıtys bolǵany anyqtaldy.
Osyǵan deıin ShQO-da bir jylda 204 adam óndiristik jaraqat alǵanyn habarladyq.