Shyǵys Qazaqstanda ıis tıgen eki áıel aýrýhanaǵa jetkizildi
ShQO tótenshe jaǵdaılar departamenti baspasóz qyzmetiniń málimetine súıensek, tazalanbaǵan murja eki áıeldiń aýrýhanaǵa túsýine sebep boldy.
«Katonqaraǵaı aýdanyndaǵy jer úı ıesi pesh jaqqan kezde órt qaýipsizdigi talaptaryn saqtamaǵan, pesh murjasy da ýaqtyly tazalanbaǵan. Sonyń saldarynan kómirqyshqyl gazy tarap, 31 jáne 22 jastaǵy áıel zardap shekti. Qazirgi ýaqytta olar aýdandyq aýrýhananyń terapııa bólimshesine jatqyzyldy», - delingen aqparatta.
Qutqarýshylar 2022 jyldyń jeltoqsanynda dál osy úıge kelip tıisti nusqaýlyq bergen bolatyn. Alaıda úı ıesi odan nátıje shyǵarmaǵan.
Aıta keteıik, bıylǵy jylytý maýsymy bastalǵaly beri TJD qyzmetkerleri qaýipsizdik maqsatynda 168 000-nan astam úıdi aralap shyqty.
Eske salsaq, keshe Shyǵys Qazaqstanda órtengen úıden 80-nen asqan eki ájeı qutqarylǵan bolatyn.