Shyǵys Qazaqstanda HQO-lar turǵyndardy Ashyq qosymshasy arqyly qabyldaıdy

ÓSKEMEN. QazAqparat – Shyǵys Qazaqstan oblysyndaǵy halyqqa qyzmet kórsetý ortalyqtary Ashyq jobasy arqyly jumys isteıdi, dep habarlaıdy QazAqparat tilshisi.

QR Bas memlekettik sanıtarlyq dárigeriniń qaýlysyna sáıkes, 14 maýsymnan bastap HQO-lar kelýshilerdi Ashyq qosymshasy arqyly qabyldap jatyr.

Teris nemese beıtarap mártebesi bar shyǵysqazaqstandyqtar memlekettik qyzmetterdi kezeksiz ala alady.

«Ashyq qosymshasy boıynsha barlyq qala, aýdanda HQO-ǵa kirýge bolady. Árbir front-keńsege skanerleý úshin arnaıy derbes QR-kod berilgen. QR kodtar ǵımaratqa kireberiste ilinedi. Bul rette, kezekke aldyn ala brondaý múmkindigi burynǵysha qalady. Onyń artyqshylyǵy – siz belgilengen ýaqytta operatordyń qabyldaýyna birden óte alasyz», - dep habarlady «Azamattarǵa arnalǵan úkimet» ShQOF baspasóz qyzmeti.

Eger kelýshide atalǵan qosymsha bolmasa, jaqynda Ashyq fýnktsıonaly engizilgen eGov mobile, Kaspi.kz jáne Halyk Homebank qosymshalaryn paıdalana alady.

Osy qosymshalar bolmasa da, mártebeni HQO qyzmetkerleri JSN boıynsha anyqtaıdy.