Shyǵys Qazaqstanda Ertis ózeni balyqtarynyń qyrylý sebebin anyqtady
ASTANA. QazAqparat - Tabıǵatty qorǵaý prokýratýrasynda ShQO aýdandarynyń birinde balyqtyń qyrylý sebepterin anyqtady. Mamandardyń bastapqy nusqasy rastaldy. Balyqtar GES týrbınasynyń mehanıkalyq áserinen zardap shekken, dep habarlady YK-news.kz
Eske salsaq, 23 mamyrda Ognevka kenti aýdanynda jergilikti turǵyndar óli balyqtar jaǵaǵa shyǵyp qalǵanyn baıqaǵan. Ekologtar ózennen synama alyp, 18 hımııalyq zattyń bar-joǵyn tekserdi. Barlyq kórsetkish ruqsat etilgen norma sheginde bolyp shyqty.
Ǵylymı uıym ıhtıologııalyq saraptama júrgizdi. Qorytyndyǵa sáıkes ólim-jitimge ákeletin mehanıkalyq zaqymdaný anyqtaldy.
«Balyqtardyń qyrylýyna Buqtyrma GES qyzmeti yqpal etken. - dep habarlady ShQO tabıǵatty qorǵaý prokýratýrasynyń baspasóz qyzmeti. - GES qyzmetiniń teris yqpaly bóligindegi zań buzýshylyqty joıý, sondaı-aq keltirilgen zııan somasyn aıqyndaý maqsatynda tabıǵatty qorǵaý prokýratýrasy aýmaqtyq ınspektsııaǵa tıisti tekserý júrgizý týraly usynym engizdi».
