Shyǵys Qazaqstanda erli-zaıyptylar sýǵa batyp ketti
ÓSKEMEN. QazAqparat – Shyǵys Qazaqstan oblysy Kókpekti aýdanynda erli-zaıyptylar sýǵa batyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 27 shilde kúni Kókpekti aýdanyndaǵy Buqtyrma sý qoımasyna eki adam batyp ketti.
«Erli-zaıyptylar jabdyqtalmaǵan jerde shomylyp júrgen. Kýágerlerdiń aıtýynsha, jaǵadan alysqa júzip ketken 1978 jylǵy áıel bata bastaǵan. Muny kórgen 1966 jylǵy kúıeýi kómekke birden asyqty. Alaıda ol da óz kúshin durys baǵalamaı, batyp ketti», - delingen habarlamada.
Qutqarýshylar atap ótkendeı, adamdar kóbinese óz qabiletterine shamadan tys senimdiliktiń saldarynan sýǵa batady. Sý aıdyndaryndaǵy jazataıym oqıǵalarǵa júrgizilgen taldaý nátıjesine sáıkes, kóz jumǵan azamattardyń kóbisi jaqsy júze alady. Sondaı-aq jabdyqtalmaǵan sý aıdyndarynda shomylý da qaıǵyly jaǵdaılarǵa ákelip soǵýda.
