Shyǵys Qazaqstanda eriktiler «Ardager time» aktsııasyn ótkizdi

ÓSKEMEN. QazAqparat – Shyǵys Qazaqstan oblysy Besqaraǵaı aýdanynda el Táýelsizdiginiń 30 jyldyǵyna oraı eriktiler «Ardager time» aktsııasyn ótkizdi, dep habarlaıdy QazAqparat tilshisi.

Besqaraǵaı aýdandyq jastar resýrstyq ortalyǵynyń málimetine súıensek, «Ardager time» aktsııasynyń maqsaty – ardagerler men jalǵyz turatyn zeınetkerlerge kómek kórsetý jáne jastardy otansúıgishtikke baýlý.

«Mundaı is-sharalar josparly túrde ǵana emes, únemi ótkizilip keledi. Kómekke muqtaj qart adamdardy anyqtap, olarǵa qolushyn sozamyz. Osy arqyly halqymyzdyń asyl qundylyqtaryn dáriptep, úlkenderge qurmet kórsetip, óskeleń urpaqty meıirimdilikke shaqyrǵymyz keledi. Aýdan volonterleri men jastary ıgi sharalarǵa belsendi qatysyp jatyr», - delingen aqparatta.

Táýelsizdiktiń 30 jyldyǵy aıasynda ótkizilgen «Ardager time» aktsııasy barysynda Jastar resýrstyq ortalyǵy janyndaǵy «Meıirimdi júrek» eriktileri Besqaraǵaı aýylyndaǵy qart adamdardyń úıine baryp, qajetti kómek kórsetti.

Naqty aıtqanda, úı sharýalarymen aınalysyp, aýlany qoqystan tazartty.