Shyǵys Qazaqstanda er adam óz-ózin jaryp jiberdi
ÓSKEMEN. QazAqparat - Dúısenbi kúni keshkisin Shyǵys Qazaqstan oblysy Glýbokıı aýdanyna qarasty Beloýsovka kentiniń 35 jastaǵy turǵyny sýıtsıd jasap, óz-ózin jaryp jiberdi, dep habarlaıdy «QazAqparat» HAA tilshisi.
Qaza bolǵan azamattyń denesin «Edelveıs» dúkenine jaqyn jerden beıtanys adamdar taýyp alǵan.
Oblystyq ishki ister departamenti jan túrshigerlik oqıǵaǵa qatysty resmı aqparat berdi.
«Atalǵan derek QR Qylmystyq kodeksiniń 105-inshi baby («Óz-ózin óltirýge deıin jetkizý») boıynsha sotqa deıingi tergeýdiń biryńǵaı tizilimine tirkeldi. Tergeý júrýde. Birqatar saraptamalar taǵaıyndaldy, sonyń ishinde qaza tapqan azamattyń psıhıkalyq densaýlyǵyna qatysty », - dep málim etti oblystyq ishki ister departamentinen.
Munymen bir mezgilde, áleýmettik jelilerde azamat bul áreketi arqyly jaqyndaryn jazalamaq bolǵany jáne ózin belgisiz zatpen jaryp jibergeni týraly rastalmaǵan aqparattar taraýda. Sondaı-aq er adam áıelimen birneshe ret ajyrasqandyǵy jazylýda.
