Shyǵys Qazaqstanda eń úlgili kelin tańdap alyndy
ÓSKEMEN. QazAqparat - Óskemende ótken baıqaýda Shyǵys Qazaqstan oblysynyń túrli aýdandarynan kelgen 11 ókil úlgili kelin ataný úshin ózara básekege tústi.
Baıqaýda eń úlgili kelin ataǵyna Úrjar aýdanynyń ókili Altynaı Qojbanova laıyqty dep tanyldy. Al, baıqaýdyń ekinshi ornyn Abaı aýdanynan kelgen Elmıra Birǵamıtova jeńip aldy. Úshinshi orynǵa Glýbokovskıı aýdanynyń turǵyny Mádına Kópenova ıe boldy.
Aıta keteıik, «Aıaýly jas kelin» oblystyq baıqaýy ShQO-da birinshi ret ótip turǵan joq. Munda kelinder ulttyq taǵam ázirleýdegi sheberlikterin, qazaq dástúrlerin qanshalyqty biletinin jáne ózderiniń shyǵarmashylyq múmkindikterin kórsetti.
«Ár kezeńde baıqaýǵa qatysýshylar qazylar alqasy men kórermenderdi tańqaldyrýǵa tyrysty. Keıbireýleri 6 tilde án oryndady, ózderi shyǵarǵan óleńderin oqydy, ózderi jasaǵan turmystyq zattardy ákeldi», -delingen óńirdiń Aqparat ortalyǵy taratqan málimetterde.
