Shyǵys Qazaqstanda elektr energııasy qymbattady
ÓSKEMEN. QAzAqparat - Shyǵys Qazaqstan oblysynda elektr energııasynyń tarıfi 5,9%-ke artty, dep habarlaıdy «QazAqparat» HAA tilshisi.
«Shyǵysenergotreıd» kompanııasy 4 qańtardan bastap elektr energııasyna jańa baǵa belgiledi. Olar suraǵan 8,5 protsenttiń ornyna monopolııaǵa qarsy kúres vedomstvosy 5,9 protsentti bekitti.
Jan basyna 85 kVt/saǵattan aspaıtyn norma úshin turmystyq tutynýshylarǵa 1 kVt/saǵ elektr baǵasy qosylǵan qun salyǵymen birge 10,190 teńgeni quraıdy.
2018 jyldan bastap turmystyq tutynýshylar úshin ortasha tarıf 11,642 teńgege deıin, al elektr energııasyn turmystyq emes qajettiligine paıdalanatyn tutynýshylar úshin 1 kVt/saǵattyń baǵasy 14,488 teńgege deıin ósti.
Eske sala ketsek, 1 qańtardan bastap Óskemen turǵyndary úshin ystyq sý men jylýǵa qoıylatyn tarıfter kóterilgen bolatyn.
