Shyǵys Qazaqstanda eki jol ýchaskesinde kólik qozǵalysy shekteldi

NUR-SULTAN. QazAqparat – Aýa raıynyń nasharlaýyna baılanysty Shyǵys Qazaqstan oblysynda jol ýcheskesinde kólik qozǵalysy shekteldi, dep habarlaıdy QazAqparat QR IIDM Telegram-kanalyna silteme jasap.

«Shyǵys Qazaqstan oblysynda 08.03.2021 kúni 21:00 saǵattan bastap aýa raıynyń qolaısyzdyǵyna baılanysty (boran soǵyp, joldyń kórinbeýi) «Óskemen-Shemonaıha-RF shekarasy» avtojolynda júk jáne qoǵamdyq kólikterdiń qozǵalysyna tyıym salyndy: 15-102 km, Glýbokoe aýyly men Shemonaıha qalasy aralyǵyndaǵy jol bóligi; 105-123 km, Shemonaıha qalasy men RF shekarasy aralyǵyndaǵy jol bóligi» delingen habarlamada.

Aıta keteıik, buǵan deıin Batys Qazaqstan jáne Aqtóbe oblystarynda jol jabylǵany týraly habarlaǵan edik.