Shyǵys Qazaqstanda eki er adam kólikpen birge sýǵa batyp ketti
ASTANA. QazAqparat - ShQO qutqarýshylary toǵannan eki er azamattyń denesin shyǵaryp aldy, dep habarlaıdy «QazAqparat» HAA tilshisi oblystyq TJ departamentine silteme jasap.
Keshe Menovnovskıı aýyldyq okrýginde, Gerasımovka aýylynan 4 shaqyrym jerde qutqarýshylar sýǵa batyp ketken «Lada Granta» avtomobıliniń salonynan eki er kisiniń denesin shyǵaryp aldy. Olardy baqtashylardyń biri baıqap qalǵan. Oqıǵa ornyna súńgýirler jetken.
«Sýdyń tereńdigi - 2,5-3 metr bolǵan. Bizdiń mamandar avtomobıl salonynyń ishinen eki er kisiniń denesin tapty. Mashına sýǵa tolyqtaı batyp ketken eken, esikter bekitilmegen. Kólikti ashyp, olardyń denesin jaǵaǵa shyǵardyq, - dedi Shyǵys óńirlik aeroutqyr jedel qutqarý jasaǵy súńgýir-qutqarýshylar bóliminiń basshysy Andreı Lısıanskıı. - Kýágerlerdiń aıtýynsha, qaıǵyly jaǵdaıdyń aldynda sýǵa batqan er azamattar 4 adam bolyp spırttik ishimdik ishken. Ekeýi úıine qaıtyp kelip, qalǵan eki joldasynyń joǵalǵany týraly habar bergen».
