Shyǵys Qazaqstanda daýyl 11 ǵımarattyń shatyryn ushyryp áketti
ÓSKEMEN. QazAqparat - 30 mamyr kúni Shyǵys Qazaqstan oblysynda 17.30-da bastalǵan sekýndyna 20-29 metrge jetetin dúleı jel 11 ǵımarattyń shatyryn ushyryp áketti. Bul jóninde QazAqparatqa QR ІІM Tótenshe jaǵdaılar komıteti habarlady.
Jelden edáýir qatty zardap shekken ǵımarattar Aıagóz jáne Jarma aýdandarynda ornalasqan.
Aıagóz aýdanynyń Aıagóz qalasyndaǵy kópsalaly qazaq mektep-gımnazııasynyń julynǵan shatyrynyń aýmaǵy 450 sharshy metrdi qurady, al №10 qazaq mektep-gımnazııasy ǵımaratynyń 78 sharshy metrin ushyryp áketken.
Aıagóz aýdanynyń Mamyrsý aýylynda S.Ǵabbasov atyndaǵy orta mekteptiń ǵımaratynyń 120 sharshy metrin, sondaı-aq, Jarma aýdanynyń Qalbataý aýylyndaǵy Jarma aýdandyq aýmaqtyq ınspektsııasynyń ǵımaratynyń shatyrynyń 180 sharshy metr aýmaǵyn julyp áketken.
Al Jarma aýdanynyń Shar qalasynda «Balaýsa» balabaqshasy ǵımaratynyń shatyrynyń 450 sharshy metr aýmaǵy qırady.
Atalmysh oryndarda jergilikti atqarýshy organdardyń komıssııalary jumys jasaýda. Qaza tapqandar men japa shekkender joq. 
