Shyǵys Qazaqstanda dala órti 50 gektar aýmaqty sharpydy
ÓSKEMEN. QazAqparat – Keshe Shyǵys Qazaqstan oblysy Borodýlıha aýdanynyń Dmıtrıevka aýyldyq okrýginde shóp órtenip, tilsiz jaý 50 gektar aýmaqqa jaıylǵan, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetinshe, oqıǵa ornyna birden №21 órt sóndirý bólimi attanǵan. Qyzyl jalyndy sóndirýge jergilikti atqarýshy organ qyzmetkerleri men sol mańaıdaǵy sharýa qojalyqtardyń jumysshylary da kómek kórsetti. Tilsiz jaýdy sóndirýge jalpy sany 5 tehnıka men 14 adam jumyldyrylǵan.
«Óńirdegi ystyq ári qurǵaq aýa raıy daladaǵy órt qaýpin arttyryp otyr. Osy rette aımaq halqyn órt qaýipsizdigi erejelerin qatań saqtaýǵa shaqyramyz. Sebebi temeki tuqyly, sirińke, durys janbaǵan qoqys dala shóbi ormannyń otqa oranýyna ákelip soǵýy ábden múmkin», - delingen vedomstvo málimetinde.
Aıta keteıik, órt shyqqan jaǵdaıda turǵyndar birden «101» nómirine dereý qońyraý shalǵany abzal.
