Shyǵys Qazaqstanda dala órti 25 gektar jerdi sharpydy
ÓSKEMEN. QazAqparat – Shyǵys Qazaqstan oblysynda órt sóndirýshiler jalpy aýdany 25 gektardy quraǵan jalyndy sóndirdi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylarǵa Tarbaǵataı aýdanynda shóp órtenip jatqandyǵy jaıly habar túsken.
«Oqıǵa ornyna shuǵyl kelip jetken órt sóndirýshiler jalpy aýdany 25 gektardy quraǵan tilsiz jaýdy sóndirdi. Órtpen kúreske jeke quramnan 6 adam men 1 tehnıka jumyldyrylǵan. Sonymen qatar jergilikti atqarýshy organdardan 6 adam men 2 tehnıka tartyldy», - dep habarlady vedomstvo ókilderi.
Budan bólek, Óskemende órt sóndirýshiler qoqys polıgonyndaǵy aýqymdy órtti sóndirdi. 500 sharshy metrge jaıylǵan qyzyl jalyndy óshirýge 13 qutqarýshy, 3 órt sóndirý kóligi jáne «Spetskommýntrans» JShS-nyń sý tasymaldaýshy kóligi jumyldyryldy.
