Shyǵys Qazaqstanda dala órti 100 gektardan astam aýmaqty sharpydy
ÓSKEMEN. QazAqparat - Ótken táýlik ishinde Shyǵys Qazaqstan oblysynyń 4 ýchaskesinde 103 ga aýmaqtaǵy qurǵaq shóp janyp ketti. BUl jóninde oblystyq tótenshe jaǵdaılar departamentine silteme jasap QazAqparat habarlaıdy.
Eń úlken órt Semeı óńirindegi Jıenáli aýyldyq okrýginde bolǵan . Sary Bıik ýchaskesinde jalyn 45 gektar aýmaqqa taralǵan. Semeı qalasynyń órt sóndirý bóliminiń 7 qyzmetkeri tilsiz jaýmen túni boıy arpalysyp, tańǵy saǵat 8-de aýyzdyqtady.
«Joǵaryda atalǵan aýyldyq okrýgtiń Baıǵazy ýchaskesinde de qurǵaq shóp janǵan. Munda órtti aýyzdyqtaýǵa 4 adam tartyldy. 45 gektar aýmaqtaǵy jalyn saǵat 5.43-te sóndirildi. Kúrshimniń ıÝbıleınyı ýchaskesinde 10 gektar jerdegi qýraılardy jalyn sharpydy. Munda 13 jergilikti turǵyn órtti sóndirýge kómektesti. Úılesimdi jumystyń arqasynda órt bir jarym saǵat ishinde tolyǵymen sóndirilip, odan ármen taralmady. Órt sóndirýshiler osylaısha jalynnyń jolyn kesti» delingen habarlamada.
