Shyǵys Qazaqstanda byltyr jazda 7 adam sýǵa batyp ketken

ÓSKEMEN. QazAqparat – Shyǵys Qazaqstan oblysynda byltyrǵy sýǵa shomylý maýsymynda 7 adam sýǵa ketti, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, jaz taıaǵan saıyn óńir qutqarýshylary sý aıdyndarynda profılaktıkalyq jumystardy kúsheıtip jatyr.

«Ótken jylǵy shomylý maýsymynda Shyǵys Qazaqstanda 7 adam sýǵa batyp ketti. Barlyq jazataıym oqıǵa arnaıy jabdyqtalmaǵan jaǵajaılarda bolǵan. TJD qyzmetkerleri 14 adamdy qutqaryp qaldy, onyń ishinde ekeýi bala», - delingen aqparatta.

ShQO ákimdiginiń qaýlysymen jappaı demalý úshin 14 ýchaske belgilendi.

Onda 1 mýnıtsıpaldy (Ulan aýdany) jáne 4 kommýnaldyq jaǵajaı (Óskemen qalasynda – 2, Altaı aýdanynda – 2) bar.

Oblystyq máslıhat sessııasynyń sheshimimen shomylýǵa bolmaıtyn 78, shaǵyn kólemdi kemelermen júzýge tyıym salynǵan 31 oryn belgilengen.

«Shomylýǵa ruqsat etilgen ýchaskelerde 120 demalys bazasy ornalasqan. Demalýshylardyń qaýipsizdigin qamtamasyz etý maqsatynda Buqtyrma sý qoımasynda mobıldi beketter jumys isteıdi. Sýǵa túsýge tyıym salynǵan ýchaskelerde arnaıy belgiler ornatylǵan. Qutqarýshylar sý qoımalaryn jaz boıy patrýldeıdi», - delingen habarlamada.