Shyǵys Qazaqstanda Buqtyrma sý qoımasyndaǵy muz ótkel jabyldy

ÓSKEMEN. QazAqparat – Shyǵys Qazaqstan oblysy Kúrshim aýdanyndaǵy muz ótkel jabyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Kúrshim aýdanyndaǵy Qyzyl tý ótkelinde kólik qozǵalysyna tyıym salyndy.

«Buqtyrma sý qoımasyndaǵy muz ótkeline tekserý júrgizildi. Sonyń nátıjesinde aýa raıynyń kúrt jylynýyna oraı muzdyń kólik ótýine jaramsyz ekendigi anyqtaldy. Sondyqtan búgin 13.00-den bastap ótkel kóliktiń barlyq túri úshin jabyldy. Endi Óskemenge barý nemese qaladan qaıtý úshin «Úlken Naryn-Altaı» tasjoly jáne Zaısan qalasy arqyly júrý kerek», - delingen aqparatta.

Eske salsaq, osyǵan deıin Buqtyrmada kóligi muz astyna ketip, jolaýshynyń kóz jumýyna sebepker bolǵan júrgizýshige sot úkimi shyqqany habarlanǵan.