Shyǵys Qazaqstanda boranǵa baılanysty eki jol jabyldy

ÓSKEMEN. QazAqparat – Shyǵys Qazaqstan oblysynda boranǵa baılanysty eki jol jabyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirdegi eki jolda kólik qozǵalysyna tyıym salyndy.

«25 qarasha kúni saǵat 10.30-dan bastap «Óskemen-Taýly Úlbi-Soltústik» tasjolynyń

38-60 shaqyrymynda («Altaı Alpisi» demalys bazasy men Severnoe aýylynyń arasy) jáne Óskemen qalasynyń irgesindegi Novotroıtskoe aýylyna kireberis joldyń 0-22 shaqyrymy kóliktiń barlyq túrine jabyldy. Buǵan boran, qatty jel men joldyń durys kórinbeýi sebep bolyp otyr», - delingen aqparatta.