Shyǵys Qazaqstanda boranda adasyp ketken 4 balyqshy izdestirilip jatyr
ASTANA. QazAqparat - ShQO qutqarýshylary boranda adasyp ketken 17 balyqshyǵa járdemdesti. 4-eýi áli izdeýde, dep habarlady «QazAqparat» HAA oblystyń TJD baspasóz qyzmetine silteme jasap.
Qutqarýshylar Tarbaǵataı jáne Kúrshim aýdandarynda operatsııa júrgizdi.
Qatty borannan, joldyń nashar kórinýinen olar adasyp, joldan jańylysqan. 7 adam Buqtyrma sý qoımasy saǵasy mańynda adasqan.
«Balyqshylar Alǵabas aýyly «Demalys úıi» ýchaskesi arasynda qalǵan. Borannan óz kólikterinde tyǵylyp, qorǵanǵan. Quqtarý toby aýylǵa deıin jetip, odan ári qalyń qarda júretin tehnıkany paıdalandy. Adamdardy evakýatsııalaý úshin shana tirkeldi, dedi ShÓJAQJ bólimshesiniń basshysy Talǵat Nurjanov. - Balyqshylar aýyldan 20 shaqyrym jerden tabyldy. Olar kólikterin tastap ketkileri kelmeı, evakýatsııadan bas tartty».
Qutqarýshylar jaǵalaýǵa deıin birge keldi. Odan ári aýylǵa deıin jol joq. Azyq-túlikter men jyly kıimdermen balyqshylar qystaqqa toqtady. «Qutqarýshylar JJM jetkizip berdi, boran basylǵan soń olar úılerine qaıtady», - dep habarlady TJD.
