Shyǵys Qazaqstanda boran basylyp, birqatar joldar ashyldy
NUR-SULTAN. QazAqparat - Shyǵys Qazaqstan oblysynda aýa raıy turaqtalyp, birqatar joldar ashyldy, dep habarlaıdy QazAqparat.
Indýstrııa jáne ınfraqurylymdyq damý mınıstrliginiń málimetine sensek, «Omby - Maıqapshaǵaı» tasjolynyń 756-906 shaqyrymy (Semeı qalasy men Qalbataý aýylynyń arasy) búgin tańǵy 06:10 kezinde tolyq ashyldy.
Sonymen qatar búginnen bastap «Óskemen - Shemonaıha - RF shekarasy» jolynyń 15-102 jáne 105-123 shaqyrymynda jáne «Óskemen - Rıdder - RF shekarasy» jolynyń 15-105 shaqyrymynda kólik júrýine ruqsat berildi.
«Almaty - Óskemen» avtojolynyń 778-967 shaqyrymynda, Aıagóz qalasy men Qalbataý aýylynyń aralyǵynda jáne 971-1068 shaqyrymynda, ıaǵnı Qalbataý aýylynan bastap Qasym Qaısenov burylysyna sheıin jol ashyldy.
«Óskemen - Altaı - Úlken Naryn - Qatonqaraǵaı - Rahmanov bulaǵy» tasjolynyń 7-166 shaqyrymynda da búgin tańǵy 08:00 bastap kólik qozǵalysyna shekteý joq.
Odan bólek, «Omby - Maıqapshaǵaı» avtojolynyń 910-1087 shaqyrymynda, Qalbataý aýylynan Boǵas eldimekenine deıingi jolda tańǵy 08:20 bastap júrýge ruqsat berildi.
