Shyǵys Qazaqstanda bıyl jol apatynan 112 adam qaza boldy
ShQO Polıtsııa departamenti baspasóz qyzmetiniń málimetine súıensek, óńir boıynsha 8-17 qarasha aralyǵynda «Qaýipsiz jol» jedel aldyn alý sharasy júrgizildi. Sonyń aıasynda tártip saqshylary ákimshilik quqyqbuzýshylyqtyń aldyn alý jáne joldaǵy qaýipsizdikti qamtamasyz etý maqsatynda kólik júrgizýshilerine dárister ótkizdi.
«Jyl basynan beri Shyǵys Qazaqstanda 665 jol-kólik oqıǵasy tirkeldi. Sonyń saldarynan 112 adam qaza bolyp, 893 adam jaraqat aldy. Taldaý kórsetkendeı, jol apaty negizinen jyldamdyqty ruqsat etilgen shekten asyrýdan, manevr jasaý erejelerin buzýdan jáne júrgizýshilerdiń jol júrý kezektiligin saqtamaýynan bolyp jatady. Apat jıi tirkeletin kúnder - dúısenbi, juma jáne jeksenbi», - delingen habarlamada.
Dáristerdi ótkizý barysynda júrgizýshilerge kólikti qaýipsiz tizgindeý erejeleri, onyń ishinde qolaısyz aýa raıy jaǵdaılarynda qalaı júrgizý kerektigi túsindirildi.