Shyǵys Qazaqstanda bıyl jer úılerde 13 adam kómirtegi totyǵyna ýlanǵan
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar taldaý júrgizip, halyqtyń kómirtegi totyǵymen ýlanýynyń negizgi sebepterin anyqtady. Jyl basynan beri óńir boıynsha jer úılerde qaýipti gazdyń saldarynan 13 adam zardap shekti.
«Adam úshin gazǵa ýlaný óte qaýipti. Gaz tynys alý joldary arqyly ókpege jetip, qan aınalymy júıesine enedi. Onda gemoglobınmen baılanysady, ol óz kezeginde ottegiden 200-300 ese aýyr. Saldarynan qan ottegin tasymaldaý jáne ony aǵzaǵa jetkizý qabiletin joǵaltady. Eń aldymen mı zardap shegedi, sodan soń basqa organdarǵa da áserin tıgizedi», - delingen aqparatta.
Jyl saıyn oqys oqıǵalardyń aldyn alý maqsatynda áleýmettik qorǵalmaǵan otbasylardyń úılerinde ýly gazdy anyqtaıtyn datchıkter ornatylýda.
«Osy jylytý maýsymynyń aldynda úılerge 2700-ge jýyq datchık ornattyq. Sonyń barysynda memlekettik órt baqylaý ınspektorlary 43 096 turǵynǵa nusqaýlyq berdi. Sondaı-aq 30 reıd júrgizildi», - delingen habarlamada.