Shyǵys Qazaqstanda bıyl mal urlyǵy 7 paıyzǵa azaıdy
ÓSKEMEN. QazAqparat – Shyǵys Qazaqstan oblysynda jyl basynan beri mal urlyǵy 7 paıyzǵa azaıdy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Barymta» jedel aldyn alý sharasyn júrgizdi. Sonyń barysynda 500-ge jýyq polıtseı jáne veterınarııalyq baqylaý qyzmetiniń 42 mamany jumyldyrylǵan.
«Úsh kún ishinde buryn jasalǵan 5 mal urlyǵy anyqtaldy. Arnaıy turaqqa beı-bereket jaıylǵan 600-den astam mal qamaldy. Sondaı-aq joǵalyp ketken 32 bas mal tabylyp, ıelerine qaıtaryldy», - delingen aqparatta.
Tıisti qujattarsyz mal men et ónimderin tasymaldaǵan jáne satqan 22 adam ÁQBtK-niń 406-babyna sáıkes jaýapqa tartyldy. Jalpy jyl basynan beri qabyldanǵan sharalardyń nátıjesinde oblysta mal urlyǵy 7%-ǵa azaıyp otyr.
