Shyǵys Qazaqstanda bıyl qaı joldar jóndeledi

ÓSKEMEN. QazAqparat – Shyǵys Qazaqstan oblysynda týrıster kóp qatynaıtyn sý aıdyndaryna aparatyn joldar jóndeýden ótpek, dep habarlaıdy QazAqparat tilshisi.

ShQO ákimdiginiń málimetine súıensek, bıyl «Zaısan - Shilikti - Aqjar» tasjolynyń jobasy aıaqtalady. Bul Zaısan jáne Tarbaǵataı aýdandaryn kólik jolymen baılanystyrýǵa jáne eldi mekender arasynda baılanys ornatýǵa múmkindik bermek.

«Sondaı-aq, týrıster arasynda tanymal sý qoımalarynyń jaǵalaýyn abattandyrý boıynsha aýqymdy jobany iske asyrý aıasynda Jańa Buqtyrma kentine baratyn joldy jóndeımiz. «Óskemen - Samar», «Óskemen - Soltústik» joldaryn jóndeýge qarajat bólinip, ýchaskeler anyqtaldy», - dedi oblys ákimi Danıal Ahmetov.

Aýdan ortalyqtary men burynǵy aýdan ortalyqtaryna aparatyn jáne eldi mekenderge kireberis joldarǵa basa nazar aýdarylǵan.

«Ulan aýdany Bozanbaı aýylyna burylystan Sibe kólderine deıingi tasjoldy rekonstrýktsııalaımyz. Respýblıkalyq mańyzy bar joldarǵa keletin bolsaq, munda «Óskemen - Rıdder» jáne «Óskemen - Altaı» tasjoldary jóndeledi», - dedi aımaq basshysy.