Shyǵys Qazaqstanda bıyl EKO-ǵa 500 kvota bólindi
ÓSKEMEN. QazAqparat – Shyǵys Qazaqstan oblysynda «Ańsaǵan sábı» baǵdarlamasy boıynsha 500 kvota bólindi, dep habarlaıdy QazAqparat tilshisi.
Prezıdent Qasym-Jomart Toqaev Qazaqstan halqyna Joldaýynda «Ańsaǵan sábı» arnaýly baǵdarlamasyn iske qosýdy tapsyrǵan bolatyn. Osylaısha, bıyl Eko» úshin kvota 7 myńǵa deıin, ıaǵnı 7 ese kóbeıdi.
Shyǵys Qazaqstanda 2021 jyly EKO-ǵa 500 kvota bólingen. Kvota alý úshin eń aldymen turǵylyqty meken-jaıyńyz boıynsha medıtsınalyq mekemege baryp, bedeýlik boıynsha tirkelý kerek. Sodan keıin onyń naqty sebebi anyqtalady. Óıtkeni kvotaǵa sáıkes EKO tek áıel bedeýligi jáne erkek bedeýliginiń emdelmeıtin aýyr túrleri sııaqty kórsetkishter boıynsha ǵana júrgiziledi.
«Máselen, áıelder kvota alý úshin tekserý nátıjelerin alyp, kezekke turýy kerek. Eger qarsy kórsetilimder bolmasa, onda ol reprodýktıvti tehnologııa júrgizetin klınıkany ózi tańdaıdy. Búgingi kúni Qazaqstanda 19 klınıka kvota boıynsha jumys isteıdi», - dedi ShQO boıynsha «Aqsaǵan sábı» baǵdarlamasyna jaýapty akýsher-gınekolog Nadıra Slıamhanova.
