Shyǵys Qazaqstanda bıyl 90 kóshe ataýy ózgertildi
ÓSKEMEN. QazAqparat - Shyǵys Qazaqstan oblysynda bıyl 90 kóshe ataýy ózgertildi, dep habarlaıdy QazAqparat tilshisi.
Bıyl 2021 jyly oblys boıynsha 90 kóshe ataýy ózgertilgen. Onyń ishinde ıdeologııalyq turǵydan eskirgen - 39, tarıhı jáne geografııalyq ataýlar qaıtarylǵany - 16, jalpy ataýlar berilgen - 35, tanymal tulǵalardyń esimderi berilgen - 41 kóshe bar.
«Eldi mekenderdiń, nysandardyń, kóshelerdiń men quramdas bólikterdi qaıta ataý jáne olarǵa ataý berý kezinde halyqtyń etnıkalyq quramy, jurtshylyqtyń pikiri eskeriledi. Barlyq rásimder qatań túrde zańnamaǵa sáıkes júrgiziledi. Oblysta til saıasatyn júzege asyrý boıynsha jumystar aldaǵy ýaqytta da jalǵasyn tappaq», - dedi ShQO Tilderdi damytý basqarmasy basshysynyń mindetin atqarýshy Tolqyn Berikbekova.
Aıta keteıik, byltyr aımaq boıynsha 157 kóshe, 2 eldi meken jáne 21 nysannyń ataýy ózgergen. Onyń ishinde ıdeologııalyq turǵydan eskirgen - 65 kóshe, tarıhı jáne geografııalyq ataýlar qaıtarylǵan - 35, jalpy ataýlar berilgen - 57, tanymal tulǵalardyń esimderi berilgen - 63 kóshe bar.
