Shyǵys Qazaqstanda bıyl 84 monsha órtendi
ÓSKEMEN. QazAqparat – Shyǵys Qazaqstan oblysynda ótken demalys kúnderi 3 monsha órtendi, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, demalys kúnderi órt sóndirýshiler 3 monshany sharpyǵan jalyndy aýyzdyqtady.
«Alǵashqy órt Ulan aýdany Asýbulaq aýylynda shyqqan. Tilsiz jaýdyń jalpy aýdany – 4 sharshy metrdi qurady. Aldyn ala málimet boıynsha ottyń shyǵýyna – elektr jabdyqtaryn montajdaý jáne paıdalaný kezinde órt qaýipsizdigi talaptaryn saqtamaý sebep bolǵan», - delingen aqparatta.
Sondaı-aq Rıdder qalasynda monsha janyp ketti.
Polıarnaıa kóshesinde ornalasqan jeke turǵyn úıdiń aýlasynda 20 sharshy metr aýmaqta monshanyń aǵash qurylymdary órtengen.
Órttiń shyǵýyna peshti ornatý jáne paıdalaný kezinde qaýipsizdik talaptarynyń buzylýy sebep bolýy múmkin.
Úshinshi órt Óskemende Chapaev kóshesindegi monshada shyqqan.
Aıta keteıik, jyl basynan beri Shyǵys Qazaqstanda 84 monshada órt boldy.
