Shyǵys Qazaqstanda bıyl 81 monsha órtengen
ÓSKEMEN. QazAqparat – Shyǵys Qazaqstan oblysynda jyl basynan beri 81 monsha men 153 sharýashylyq qora-jaıdy qyzyl jalyn sharpyǵan, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, kóp jaǵdaıda tilsiz jaýdyń shyǵýyna peshti jáne elektr jabdyqtaryn paıdalaný kezinde qaýipsizdik talaptaryn saqtamaý, otty abaısyz paıdalaný sebep bolyp jatady.
2021 jyldyń basynan beri óńir boıynsha 81 monsha men 153 sharýashylyq qora-jaı órtengen. Statıstıkaǵa súıensek, monshadaǵy órt oqıǵalarynyń jartysynan kóbi peshtiń durys janbaýy men murjanyń ýaqtyly tazalanbaýynan týyndady.
«Monshada órt qaýpi óte joǵary. Ony jalyn sharpysa ıesi qomaqty qarjylaı shyǵynǵa ushyraıdy. Al sharýashylyq qora-jaıdaǵy tilsiz jaýdy aýyzdyqtaý ońaıǵa soqpaıdy. Sebebi ot bir-birine jaqyn ornalasqan ǵımarattarǵa jyldam taraıdy», - dep habarlady vedomstvo ókilderi.
17 mamyr kúni Glýbokoe aýdany men Rıdder qalasyndaǵy sharýashylyq qora-jaıda órt shyqqan. Qaýipsizdik erejeleriniń saqtalmaýy saldarynan bolǵan eki oqıǵada qyzyl jalynnyń jalpy aýdany 127 sharshy metrdi qurady.
