Shyǵys Qazaqstanda bıyl 4200 tonnadan astam pishen janyp ketti
ÓSKEMEN. QazAqparat – Shyǵys Qazaqstan oblysynyń órt sóndirýshileri bir kúnde 4 jalyndy sóndirdi, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, Ulan aýdanynda jeke turǵyn úı aýlasynda sharýashylyq qora-jaı men 5 tonna shóp órtengen. Jalyn sharpyǵan aýmaq – 100 sharshy metrdi qurady. Órttiń shyǵý sebebi – otty abaısyz qoldanýdan bolýy múmkin.
«Altaı aýdanynda jekemenshik garajda órt boldy. Aldyn ala málimet boıynsha ottyń shyǵý sebebi – elektr jabdyqtaryn montajdaý jáne paıdalaný kezinde órt qaýipsizdigi talaptaryn saqtamaý. Sondaı-aq Jambyl kóshesindegi jer úı aýlasynda 10 tonna shóp janǵan. Órttiń shyǵýyna – otty abaısyz qoldaný sebep boldy», - delingen aqparatta.
Budan bólek, Jarma aýdanyndaǵy «Omby-Maıqapshaǵaı» tasjolynyń boıynda ornalasqan sharýa qojalyǵynda 125 tonna pishen órtendi. Jalpy óńir boıynsha jyl basynan beri 4200 tonnadan astam pishen janyp ketken.
