Shyǵys Qazaqstanda bıyl 384 shaqyrym jol jóndeledi
ShQO Jolaýshy kóligi jáne avtomobıl joldary basqarmasynyń málimetine súıensek, 2023 jyly óńir boıynsha jol jóndeý jumystaryna 25 mlrd teńgeden astam qarjy qarastyrylǵan.
«Osy jyldyń sońyna deıin barlyǵy 85 joba sheńberinde 384 shaqyrym jol jóndeledi. Sondaı-aq oblystyq jáne aýdandyq mańyzy bar 242 shaqyrym joldy ortasha jóndeýge 8 mln teńgege jýyq qarajat bólingen. Negizgi jol jóndeý jumystary Óskemen-Tarǵyn-Samar tasjolynda, Sibe kólderi baǵytynda, Jańa Buqtyrma aýylyna kireberiste, Zaısan-Shilikti, Aqjar-Shilikti baǵyttarynda júrgiziledi», - deıdi basqarma basshysy Nurjan Jumadilov.
Onyń aıtýynsha, Buqtyrma sý qoımasy arqyly ótetin kópir qurylysyn jalǵastyrýǵa respýblıkalyq bıýdjetten 5 mlrd teńge bólindi. Qosymsha 15 mlrd teńge bólýge bıýdjettik ótinim berildi. Al Kúrshim aýylyndaǵy Dińgek kanaly arqyly ótetin kópirdi rekonstrýktsııalaý jumystaryn aıaqtaýǵa 17,6 mıllıon teńge jumyldyrylǵan.