Shyǵys Qazaqstanda bıyl 36 aýylǵa aýyzsý tartylady

ÓSKEMEN. QazAqparat – Shyǵys Qazaqstan oblysynda 2020 jyly 36 aýylǵa aýyzsý tartý josparlanyp otyr, dep habarlaıdy QazAqparat.

Bul jaıly ShQO ákimi Danıal Ahmetov turǵyndar aldyndaǵy esep berý kezdesýinde aıtty.

«Osy jyly taza aýyzsýmen qamtamasyz etilgen aýyldardyń sanyn birshama arttyrýymyz kerek. Jospar boıynsha 36 aýylǵa aýyzsý tartylady. Nátıjesinde 11 myń aýyl turǵyny aýyzsýmen qamtylady», - dedi aımaq basshysy.

Búginde eldi mekenderdiń 81%-y aýyzsýmen qamtamasyz etilgen. Ótken jyly aýyldarǵa 77 blok-modýldik stantsııa ornatylypty. Bıyl osyndaı - 50, 2021 jyly - 49 stantsııa ornatý josparlanǵan.