Shyǵys Qazaqstanda bıyl 35 dala órti tirkeldi
ShQO Tótenshe jaǵdaılar departamenti baspasóz qyzmetiniń málimetine súıensek, óńirde órt ınspektorlary, ormanshylar, polıtsııa qyzmetkerleri jáne jergilikti atqarýshy organ ókilderinen qurylǵan 46 mobıldi top bar.
Olar qyzyl jalynnyń aldyn alý úshin ormandardy aralap, monıtorıng júrgizedi. Mobıldi toptarda 300-ge jýyq adam jumys isteıdi.
Osy ýaqytqa deıin 130-dan astam reıd júrgizilgen. Sonyń nátıjesinde, órt qaýipsizdigi erejelerin saqtamaǵan 22 adam ákimshilik jaýapkershilikke tartyldy.
«Ormanda shyqqan ot óte jyldam taraıdy. Sondyqtan onda baqylaý barynsha kúsheıtilgen. Órt qaýpi joǵary kezeń bastalǵaly beri oblys boıynsha ormandarda 6 órt boldy. Tilsiz jaýdyń jalpy aýdany 60 gektardy qurady. Budan bólek, jalpy aýdany 305 gektarǵa jetken 35 dala órti tirkeldi», - delingen aqparatta.
