Shyǵys Qazaqstanda bıyl 260 tonna pishen órtendi
ÓSKEMEN. QazAqparat – Shyǵys Qazaqstan oblysynda bıylǵy órt qaýpi joǵarǵy kezeń bastalǵaly beri 18 ret jalyn shyǵyp, 260 tonna pishen janyp ketken, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, óńir aýmaǵynda órt qaýpi joǵary kezeń bastalǵaly beri 18 ret jalyn shyǵyp, sonyń saldarynan 260 tonna pishen janyp ketti. Tilsiz jaý iri jem-shóp jınalatyn ashyq aýmaqta da, shabyndyqtarda da shyqqan.
Sońǵy órtter Ulan, Kúrshim, Tarbaǵataı aýdandarynda tirkelgen. Shabyndyqtarda órt shyǵýynyń negizgi sebepteri – otty abaısyz paıdalaný, órt qaýipsizdigi talaptaryn saqtamaý.
Qutqarýshylardyń aıtýynsha, oblys aýmaǵynda pishen órti jıi tirkelip jatyr. Ot malǵa tez taralady.
«Órttiń aldyn alý maqsatynda aýyl sharýashylyǵy kásiporyndarynyń basshylarymen jáne jumyskerlerimen, saıajaı turǵyndarymen turaqty negizde nusqaýlyqtar, jıyndar ótkizilip, úgit-nasıhat materıaldary taratylýda. Halyqty qaýipsizdik talaptaryn qatań saqtaýǵa shaqyramyz. Pishendi kólikpen tasymaldaý kezinde onyń bıiktigi 4,5 metrden aspaýy tıis», - dedi oblystyq TJD bastyǵynyń orynbasary Serik Amangeldın.
