Shyǵys Qazaqstanda bıyl 25 mıllıonnan astam aǵash otyrǵyzyldy
ÓSKEMEN. QazAqparat – Shyǵys Qazaqstan oblysynda jyl basynan beri 25 mıllıonnan astam aǵash otyrǵyzyldy, dep habarlaıdy QazAqparat tilshisi.
ShQO Orman sharýashylyǵy jáne janýarlar dúnıesi aýmaqtyq ınspektsııasynyń málimetine súıensek, bıyl óńirdiń orman sharýashylyǵy jáne tabıǵat qorǵaý mekemeleri 4 500 gektardan astam aýmaqqa 25 mıllıonnan astam aǵash otyrǵyzdy.
«Semeı ormany» memlekettik orman tabıǵı rezervaty 22 mıllıonǵa jýyq aǵash ekti. Katonqaraǵaı ulttyq parkiniń ujymy 38 gektar jerge 184 myń túp jasyl jelek otyrǵyzdy. Sondaı-aq osy sharada kommýnaldyq orman sharýashylyǵy mekemeleri de belsendi jumys júrgizýde», - dedi ınspektsııa basshysy Dildábek Orazbaev.
