Shyǵys Qazaqstanda bıyl 200-ge jýyq orman órti tirkeldi
ÓSKEMEN. QazAqparat – Shyǵys Qazaqstan oblysynyń qutqarýshylary órt qaýpi joǵary kezeńdi qorytyndylady, dep habarlaıdy QazAqparat tilshisi.
ShQO aqparat ortalyǵynda ótken baspasóz konferentsııasynda oblystyq TJD memlekettik órt baqylaý basqarmasynyń bastyǵy Serik Amangeldın órt qaýpi joǵary kezeńdi qorytyndylap ótti.
«Óńir aýmaǵynda jyl basynan beri 194 orman órti tirkeldi. Tilsiz jaý 669 gektar orman alqabyn sharpyǵan. Sondaı-aq 490 gektar alańda 7 dala órti bolǵan. Órt qaýipsizdigin qamtamasyz etý úshin azamattyq qorǵaý kúshteri, jergilikti polıtsııa qyzmeti, ormanshylar men jergilikti atqarýshy organ ókilderinen turatyn 69 mobıldi top jumys istedi. Olar 1967 reıdke shyǵyp, qaýipsizdigi talaptaryn buzǵan 265 adamdy jaýapqa tartty», - dedi ol.
Departamenti qyzmetkerleri QR ÁQBtK-niń 336-baby (Ónerkásiptik jáne turmystyq qaldyqtardy jınaý jáne jaǵý kezinde atmosferalyq aýany qorǵaý jáne órt qaýipsizdigi talaptaryn saqtamaý) boıynsha 261 ákimshilik materıal toltyrǵan.
Sondaı-aq túsindirý jumysyn júrgizý maqsatynda 2443 adam qatysqan 308 dóńgelek ústel ótkizildi.
