Shyǵys Qazaqstanda bıyl 2 jarym myń tonnaǵa jýyq pishen órtendi
ÓSKEMEN. QazAqparat – Shyǵys Qazaqstan oblysynda bıylǵy órt qaýpi joǵary kezeń bastalǵaly beri 2419 tonna pishen órtengen, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, sońǵy ýaqytta oblys aýmaǵynda pishen órtený faktileri jıilep ketti.
Qutqarýshylar apta saıyn jem-shóp saqtalatyn ashyq alańdaǵy oryndarda, saraılarda shyqqan qyzyl jalyndy aýyzdyqtaýǵa attanady.
Eń kóp órt Tarbaǵataı, Aıagóz, Besqaraǵaı jáne Kókpekti aýdandarynda tirkelgen.
Tilsiz jaýdyń shyǵýyna negizgi sebepter – otty abaısyz qoldaný jáne órt qaýipsizdigi talaptaryn saqtamaý.
«Máselen, 3 qazan kúni Kúrshim aýdanynda jeke turǵyn úıdiń aýlasynda 10 tonna pishen órtendi. Jalyn sharýashylyq qora-jaılardyń aǵash konstrýktsııalaryna jaıyldy. Kóp uzamaı órt sóndirýshiler otty tolyqtaı aýyzdyqtady. Sondaı-aq 4 qazanda tańǵy saǵat 05.00 shamasynda Besqaraǵaı aýdanyndaǵy sharýa qojalyǵynyń aýmaǵynda 150 tonna pishen janǵan. Órtti sóndirýge TJD qutqarýshylary, ormanshylar jáne sharýa qojalyǵynyń jumysshylary jumyldyryldy», - dep habarlady vedomstvo ókilderi.
