Shyǵys Qazaqstanda bıyl 15 órt beketi ashylady

ÓSKEMEN. QazAqparat – Shyǵys Qazaqstan oblysynda 2020 jyly 15 órt beketin ashý josparlanyp otyr, dep habarlaıdy QazAqparat tilshisi.

ShQO tótenshe jaǵdaılar departamentiniń málimetine súıensek, qazir óńir boıynsha 63 órt beketi bar. Olar órt sóndirý qyzmeti joq eldi mekenderde ornalasqan. Mundaǵy maqsat – turǵyn úılerde jáne dalada shyqqan qyzyl jalyndy jyldam aýyzdyqtaý.

«Jyl saıyn oblysta jańa órt beketteri qurylýda. Ótken jyly osyndaı 4 beket (Borodýlıha aýdanynda – 2, Ulan aýdanynda – 1, Kókpekti aýdanynda – 1) ashylǵan. Bıyl olardyń sany taǵy 15-ke kóbeımek (Besqaraǵaı aýdanynda – 3, Glýbokoe aýdanynda – 3, Katonqaraǵaı aýdanynda – 2, Úrjar aýdanynda – 2, Borodýlıha, Jarma, Zaısan, Tarbaǵataı jáne Altaı aýdandarynda bir-birden). Sáýir aıynan Shemonaıhadaǵy órt beketi óz jumysyn bastaǵan», - dep habarlady vedomstvo ókilderi.

Beketter aýyldardan 20 shaqyrymdaı jerde oryn tebedi. Onda 4 adam táýlik boıy kezekshilik atqarady. Ár órt beketi sol mańdaǵy tórt eldi mekendegi órt ahýalyn baqylamaq.