Shyǵys Qazaqstanda bıyl 143 kólik órtendi

ÓSKEMEN. QazAqparat - Shyǵys Qazaqstan oblysynda jyl basynan beri 143 kólik órtendi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, bıyl qutqarýshylar kólikti sharpyǵan 143 órtti sóndirdi. Sonyń saldarynan keltirilgen shyǵyn mólsheri 32 mıllıon teńgeni qurady.

- Máselen, Óskemende 1994 jyly shyqqan «Audi 80» markaly avtokólik júrip kele jatyp órtengen. Tilsiz jaý motor bólshekterin, aspaptar panelin, salon men dońǵalaqtarǵa jaıyldy. Oqıǵa ornyna kelip jetken órt sóndirýshiler jalpy aýdany 6 sharshy metrdi quraǵan jalyndy tolyqtaı aýyzdyqtady, - dep habarlady vedomstvo ókilderi.

Qutqarýshylardyń dereginshe, kóliktegi órtterdiń negizgi sebepteri - kóliktegi elektr jabdyqtarynyń aqaýlyǵy jáne elektrmen jylytý quraldaryn paıdalaný kezinde órt qaýipsizdigi erejelerin buzý.