Shyǵys Qazaqstanda bıyl 11 mektep kúrdeli jóndeýden ótedi
ShQO Bilim basqarmasynyń málimetine súıensek, óńir boıynsha bilim ordalarynyń ınfraqurylymyn jaqsartý maqsatynda birqatar sharalar atqarylyp jatyr. Búginde oblysta úsh aýysymdy jáne apatty mektepter máselesi tolyqtaı sheshildi.
«Byltyr oqýshylar orny tapshylyǵyn sheshý úshin Ulan aýdanynda, Semeı jáne Rıdder qalalarynda tórt mektep salynǵan. Bıyl 10 mektep paıdalanýǵa berilmek, onyń ishinde alty eskirgen ǵımarat jańartylady. Sońǵy bir jyldyń ishinde 1,1 mlrd teńgege jeti bilim ordasynda kúrdeli jóndeý, 1,2 mlrd teńgege 165 mektepte aǵymdaǵy jóndeý jumystary júrgizildi. Mektep kitaphanalary, ashanalar, jıhazdar jańartylǵan. Osy jyly 11 mektepke kúrdeli jóndeý júrgizý josparlanyp otyr», - delingen aqparatta.
Mektepterge 33 myń jańa kompıýter alyndy. Osynyń nátıjesinde, 1 kompıýterge shaqqandaǵy oqýshy sany 6-dan 3-ke deıin azaıǵan.