Shyǵys Qazaqstanda birneshe trassada kólik qozǵalysyna tyıym salynady

ÓSKEMEN. QazAqparat – Shyǵys Qazaqstan oblysyndaǵy birneshe jolda kólik qozǵalysy ýaqytsha shekteledi, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, oblys aýmaǵynda 19 tamyzdan bastap Abaı Qunanbaıuly atyndaǵy velosıped sporty boıynsha QR chempıonaty ótip jatyr.

Jarys 28 tamyzǵa deıin jalǵaspaq.

«Osyǵan oraı, birneshe tasjolda kólik qozǵalysyna ýaqytsha shekteý engiziledi. Atap aıtqanda, 21 tamyzda Óskemen-Samar tasjolynyń 1-60 shaqyrymynda, 22 tamyzda Óskemen-Altaı tasjolynyń 1-55 shaqyrymynda, 23 tamyzda Óskemen-Samar tasjolynyń 1-59 shaqyrymynda, 25 tamyzda Óskemen-Taýly Úlbi tasjolynyń 21-55 shaqyrymynda, Óskemen-Altaı tasjolynyń 1-55 shaqyrymynda, 26 tamyzda Óskemen-Taýly Úlbi tasjolynyń 1-25 shaqyrymynda, 27 tamyzda Óskemen-Altaı tasjolynyń 1-55 shaqyrymynda jáne Óskemen-Taýly Úlbi tasjolynyń 21-55 shaqyrymynda», - delingen aqparatta.

Departament ókilderi halyqtan atalǵan tasjoldar boıynsha qozǵalysty aldyn ala josparlap alýdy suraıdy.