Shyǵys Qazaqstanda birqatar joldar jabyldy
ÓSKEMEN. QazAqparat – Shyǵys Qazaqstan oblysynda birqatar tasjol jabyldy, dep habarlaıdy QazAqparat tilshisi.
«Qazaqavtojol» JShS ShQOF málimetine súıensek, 19 aqpanda saǵat 08.20-da aýa raıynyń nasharlaýyna, naqty aıtqanda jańbyr jaýyp, kóktaıǵaq bolýyna baılanysty respýblıkalyq mańyzy bar «Omby-Maıqapshaǵaı» tasjolynyń 756-906-shaqyrymynda (Semeı qalasy men Qalbataý aýylynyń arylyǵy) avtokóliktiń barlyq túrine júrýge tyıym salyndy.
«Sondaı-aq «Óskemen-Semeı» tasjolynyń 10-198 shaqyrymynda, «Omby-Maıqapshaǵaı» jolynyń 587-733 shaqyrymynda (Pavlodar oblysynyń aýmaǵy men Semeı qalasynyń aralyǵy), «Semeı-RF shekarasy» avtojolynyń 3-113 shaqyrymynda (Semeı qalasy-RF shekarasynyń aralyǵy) kólik qozǵalysyna shekteý qoıyldy» delingen habarlamada.
