Shyǵys Qazaqstanda birqatar jol bólikteri jabyldy
ShYǴYS QAZAQSTAN OBLYSY. QazAqparat – Kúnniń buzylýyna baılanysty Shyǵys Qazaqstan oblysynyń birqatar bóliginde avtokólik qozǵalysyna shekteý qoıyldy, dep habarlaıdy QazAqparat Indýstrııa jáne ınfraqurylymdyq damý mınıstrliginiń Telegram arnasyna silteme jasap.
1 naýryz, saǵat 04.50-den bastap aýa raıynyń buzylýyna baılanysty «Óskemen-Altaı-Qaton-Qaraǵaı-Rahman shoqysy» avtojolynyń 7-166 shaqyrymynda, Ýshanovskoe aýyly -Altaı qalasy aýmaǵynda avtokóliktiń barlyq túri úshin qozǵalys shekteldi.
Saǵat 5.00-den bastap boran turyp, jol kórinisi qıyndaǵandyqtan «Óskemen-Shemonaıha-RF shekarasy» tasjolynyń 36-102 shaqyrymynda, Predgornoe aýyly-Shemonaıha qalasy aýmaǵy men «Óskemen-Rıdder- RF shekarasy» tasjolynyń 15-105 shaqyrymynda, Beloýsovka aýyly-Rıdder qalasy aýmaǵynda júk kóligi men qoǵamdyq kóliktiń júrýine tyıym salyndy.
Saǵat 07.20-dan bastap «Óskemen-Shemonaıha-RF shekarasy» avtojolynyń 36-102 shaqyrymynda, Predgornoe aýyly-Shemonaıha qalasy men «Óskemen-Rıdder-RF shekarasy» tasjolynyń 15-105 shaqyrymy, Beloýsovka aýyly-Rıdder qalasy aýmaǵynda avtokóliktiń barlyq túri úshin qozǵalys shekteldi.
